A través das divertidas personaxes de Pepe Carreiro faremos un percorrido polos principais fitos da historia de Galicia nunha exposición didáctica principalmente dirixida ao público máis xuvenil e buscando un achegamento destes ao noso pasado.


Un panel por cada época e a explicación da sucesión dos feitos a través dun pequeno texto acompañado das ilustracións farán que os máis cativos poidan obter unha visión do concorrer da nosa comunidade dunha forma lúdica e entretida. Así esta exposición non pretende tanto facer fincapé nos nomes dos persoeiros de cada época se non dar unha visión da vida e o traballo das mulleres e homes que non aparecen nos libros pero que en boa medida marcaron o peso da historia.


Tras unha breve presentación, cada rapaz recibirá unha ficha didáctica que o irá guiando a través dos distintos paneis e que o axudarán a reforzar os contidos aprendidos. Rematada a visita cada un dos participantes será agasallado cun exemplar da Histo...